| Rezeptnummer | BvM 112 |
| Seite | 103 r/v - S. 167f. |
| Inhalt | Water teghen die bestopte milt, lever, moeder ende steen. Item, nem liquerissenhout, bethonie, centaurea, levercruut, mercke, petercely, lubbesteec, dijstel, onser vrouwen bedstroe, steenbreec, aelment, bocsbloet, asine, witten wine, caneel ende netelensaet. Dese crude salmen nemen altegader ende doense in een eerden canne, die enen breden bodem heeft ende enen enghen mont. Ende dien mont salmen boven dicht toe limen mit goeden leem. Ende biden mont salmen maken een gat. Ende in dat gat salmen steken een pipe van loede, die lancghenoech nederwaert gaet, ende limense vast toe mit lerne omtrijnt die kanne. Ende aen dat ander eynde vander pipe saltu beneden setten enen eerden pott ende boven toe limen omtrijnt die pipe mit lerne, dat die pipe inden nedersten pot draghen mach. Ende dan maec onder die kenne traech vier, alsoe dat die asine niet zieden en mach al tot den hals toe. Mer dat die roeke ende die wasom optrecke boven ende droppen mach doer die pipe in den anderen pot. Ende dan saltu vijnden inden anderen pot een water, uutermaten subtijl ende claer. Dat water saltu ontfaen ende houden in een fyole. Dit water heeft menigherhande goede kracht. Het ontstop bestopte milte ende lever van couden zaken, ende ontstopt bestopde moeder van coude ende verhetse, het breect die steen indie blase ende in die leynden die daer in van couden verhertt sijn. Dit water salmen drincken mit warmen wijn tot allen desen onghemac; het helpt sůnderlinghe. Ende oec gheneset dat lancevel. Hier gaen die krachten vanden wateren uut. |
| Heilpflanze(n) | Apium graveolens L. - Sellerie*, Erythraea centaurium L. - Tausendgüldenkraut, Betonica officinalis L. - Betonie*, Pimpinella saxifraga L. - Bibernelle, Hepatica nobilis Mill. / Anemone hepatica L. - Leberblümchen, Levisticum officinale Koch - Liebstöckel, Petroselinum crispum Mill. - Petersilie*, Mentha spec. - Minze*, Cinnamomum zyclanicum Blume - Zimt*, Daucus carota L. - Möhre, Asperula odorata L. - Waldmeister, Glycyrrhiza glabra L. - Süßholzwurzel, Urtica dioica L. - Brennessel* |
| Indikation(en) | Emmenagogum |
| Anderes | |
| Anwendung | oral |
| Parallel- überlieferung(en) |